市場經過日本核危機平伏後，日股表現暫時回穩；港股方面，受內銀股公佈業績前的憧憬，恆指今天升破了23000點，但收市有沽壓，收市報22915點，成交有761億。
最近兩天，小弟做了兩個買賣，第一個就是昨天買入業績不俗的晨訊科技(2000)，買入價為1.72元。第二就是今天買入業績升了4.55倍盈利的半新股:雷士照明(2222)，買入價為4.28元。前者主要是看好其手機OEM業務增長，帶動成為集團的將來主要受益。後者是筆者一直想買入，事因雷士之前發出盈喜，可惜該股一直回不到筆者的理想買入價，結果最後筆者也失守，跳進高追了。筆者比較看好晨訊科技(2000)業務的增長性，所以給予的目標價為2元以上。至於雷士照明(2222)方面，市場可能對國策環保還會有一番炒作，所以短期看5元左右。
史提芬兄, 我今日又同你一樣有買2000喎, 呢隻有潛力, 可能會加注, 隻371我重注中, 但坐緊艇, 你仲有無貨? 你點睇呀, 仲有3日出業績, 我努力堅持渣到業績先
回覆刪除2222你有無走到? 大股東都唔玩就要小心, 經驗之談, 除左2128畀大股東配售抽完水可以短期內升破配售價(重點係維持過一段時間)之外, 好似無乜邊隻有運行, 如果畀著我, 點都會走人, 問題係走多定走少
Fatlone兄,2000呢隻我之前低位走過一轉,但買得唔多,所以之前無咩點賺.我自己對2000抱有信心啊,最少佢呢期業績唔失禮,而且佢業務屬於轉型中.
回覆刪除至於371,我之前在日本跌市期間止蝕走左了.因為走勢不佳,但今日睇佢呢個大反彈,好似市場對佢的業績有所憧憬.
2222,我無走到,事關我都覺我買得唔合時,中左佢大股東的伏.兩日連跌10%.今日反彈欠力,睇黎我要聽下Fatlone兄的意見
補充多句, 2000我都有加注諗頭,但我覺得要睇位.睇下大圍股市的去向先可以決定.
回覆刪除371,我覺得fatlone要謹慎,因為以佢而家股價pe已經52,若公佈業績後,pe去唔到20樓下.咁就要小心,因為股價可能會出現調整,事因市場對佢之前可能炒過高.但都要睇你之前咩位買入.
371出左業績喇, 其實無乜可能會去到20樓下, 不過如果唔計供股後撻薄效應, EPS係符合出過report既大行預期, 計埋就一定無啦, 我都唔知市場之後會點解讀呢份業績
回覆刪除我入個位都唔低, 差不多2.7, 所以依家只係打個和
我都見到371的純利不俗,雖然今年股東權益受供股攤薄了,但是毛利率降得很理想,由30%去到18%.反映左佢之前投入的成本,而家逐步收緊返黎.但公司幾時恢復派息先係有明確訊號.
回覆刪除371要派息我估都係要幾年後既事, 我諗要到佢處理量到達1000萬噸/日, 可能中間會象徵式派一兩仙既息既... 但係我覺得佢開始派息就過左增長最勁既時期, 我諗我應該唔會睇到佢變現金牛, 因為一隻股最股價最貴既時候, 應該係結束高增長之前既一段時間, 而當時市場發現佢已經唔係高增長股, P/E自然會縮, 而股價都應該有排去唔返果個位
回覆刪除2000我又加左注, 繼續細細注慢慢吸